一年一度的《新城勁爆頒獎禮2022》昨晚公布成績表，男子組合MIRROR共奪9個獎項，成為大贏家，組合ERROR就獲得兩個獎項。MIRROR隊長Lokman（楊樂文）表示9個獎也不及Jeremy（李駿傑）得到「勁爆我撐新人」咁開心。
同場加映：MC紅館騷望與亡父有連結 最怕體能唔夠搵「賦二代」幫手？
獲得一眾MIRROR兄弟及公司支持，Jeremy感到很開心，Jer（柳應廷）更指自己當時在台下有份尖叫，Stanley（邱士縉）對Jeremy笑說：「陣間每人過番五舊水。」江𤒹生（AK）亦唔執輸，即說：「我有攞牌㗎！」
而得到「勁爆唱作人」的Ian（陳卓賢），稱樂迷聽歌時能夠接收到歌曲的信息，是令他最開心的事。獲得「勁爆我撐歌手」的Anson Lo（盧瀚霆）也十分欣喜，樂迷接受他未試過的曲風。對於後日1月1日舉行的商台《2022年度叱咤樂壇流行榜頒獎典禮》，是否增添信心？Lokman說：「聽多啲我哋嘅歌就係最大嘅鼓勵，攞獎係bonus，最後都係希望大家聽我哋啲歌，聽多啲！我哋做多啲歌，循環，繼續去做歌咁就非常好。」同時呼籲市民不要買黃牛飛，助長歪風。
新城勁爆頒獎禮2022︳MIRROR擸9個獎冧莊成大贏家 張敬軒確診缺席掃3獎稱王【下一頁】
對於姜濤因腳傷而未能現身頒獎禮，Tiger（邱傲然）、Alton（王智德）亦抱恙缺席，Lokman說：「請病假，冇花紅，冇勤工獎，扣晒！身體慢慢好番啲，都有問候佢哋，佢哋都覆到message，證明都冇乜大礙，仲玩到電話係OK嘅！」
提到姜濤、Anson Lo、AK和Edan打入美國網站「TC Candler」的「全球百大型男」，AK說：「I'm so sorry Beckham（碧咸）！」Lokman接著說：「I'm handsomer than you!」AK表示：「You are handsomer than me? 真係唔好意思呀，好多謝fans嘅用心，其實都係一個遊戲，大家唔好咁在意，都係浮雲，真心多謝大家，我愛碧咸！」Edan說：「心領！心領！自信心大增，我實至名歸，講笑啫，多謝fans!」Edan趁機宣傳明天推出的全新單曲《LOVERSE》，用英文公開叫碧咸cover他的歌，「Please cover my song Beckham,（再講排名）I'm seventy something, higher than you!」
談及Jeremy與Jer投資的日本餐廳，有fans投訴很難訂位，前者表示對生意額並不知情，AK笑說：「我聽講過咗聖誕，佢哋喺半山睇緊塊地...我都幫襯唔到，都book唔到（位）嘅，我話半山嗰塊地，留番少少畀我哋就得喇！」而Anson Lo的自家品牌則預計1月中推出，Edan笑言都要做生意，說：「我搞百大美男榜，（一到一百都係你自己？）但要課金嘅！」
全球百大型男排行榜2022丨姜濤盧瀚霆打入廿大排名力壓碧咸 除MIRROR 4子外仲有一名港人入圍【下一頁】
此外，ERROR獲得「勁爆組合」獎，保錡則成為「勁爆新人」，第一次得到個人獎項的保錡，表示很開心，覺得很夢幻，「10幾年前，我喺台下做觀眾，今日可以上到台，覺得意想不到，有少少似發緊夢。」肥仔稱，去年和193都沒有得獎，所以今年很替保錡開心。保錡：「下年會係阿Dee，因為佢有學唱歌。」阿Dee即說：「絕對冇意慾勇闖樂壇！」表示學唱歌是為了演唱會和尊重自己的職業，保錡踢爆他：「最緊要係上次《Chill Club演唱會》，佢走唱，佢好擔心，係心理陰影。」193接著說：「佢學咗一堂唱歌，走嚟同我哋講老師讚佢唱得好高音，之後係咁喺我哋面前唱歌。」
3位兄弟大讚阿Dee唱歌有進步，問到後者是否想得到明年的新人獎？他認為緣份到就自然有，保錡指他到時要跟Jeffrey（魏浚笙）爭，193為阿Dee打圓場：「Jeffrey係靚仔派，阿Dee係演技派新人。」阿Dee笑指會用精湛演技奪得歌唱新人獎。
採訪：黃寶蓮
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】